A Confraría de Pescadores San Martín do Grove, foi beneficiaría dunha axuda económica, financiada polo FEMP, para a modernización das infraestruturas dos portos pesqueiros, lonxas e lugares de desembarque de 53.040€.
Gracias a esta axuda económica a Confraría de Pescadores San Martín do Grove adquirirá:
- Dous equipos de clasificación para moluscos bivalvos.
- Dúas básculas para equipos de clasificación con capacidade de 60kg.
- Dúas unidades de xestión de pesaxe.
O obxectivo principal que se pretende conseguir con este proxecto é a mellora da competitividade da Confraría de Pescadores San Martín do Grove, a través da mellora no control e rastrexabilidade dos produtos procedentes da pesca.
Entre os obxectivos específicos do proxecto están:
- Axilizar e simplificar o proceso de selección do marisco na lonxa.
- Recortar os tempos de traballo.
- Mellorar as condicións de traballo na lonxa.
Os principais resultados que se pretenden acadar con este proxecto son os seguintes:
- Diminución de lesións e accidentes relacionados co traballo, posto que o cribado de marisco na actualidade se fai de forma manual.
- Mellorar a seguridade e hixiene dos traballadores do mar.
- Modernización do ámbito socioeconómico do sector a través da adquisición de novas ferramentas de traballo.
- Fomento da competitividade da lonxa do Grove, respecto a outras lonxas.
Este proxecto vai mellorar o traballo diario dos empregados/as e socios/as que traballan na lonxa, posto que fará que non se teñan que esforzar no cribado do produto na lonxa, e este poderá facerse dunha maneira máis áxil e rápida. Isto fará por tanto, que a lonxa sexa mais competitiva, se reduzan as lesións, etc.
Un sector extractivo competitivo debe contar con lonxas eficientes, polo que coa adquisición destes equipamentos, mellorarase a seguridade, o control, a trazabilidade e o traballo, e todo isto ofrecerá un valor engadido os produtos procedentes da pesca.
Así mesmo, ó contar con máquinas que fagan unha selección adecuada das tallas do marisco, lograrase competir con outras lonxas que si dispoñen destes equipamentos, en igualdade de condicións.