A Confraría de Pescadores San Martín foi beneficiaria dunha axuda económica de 55.000€, dos cales o 75% son cofinanciados polo FEMP e o 25% pola Comunidade Autónoma, para a eliminación de adultos e ootecas das especies invasoras Murex trunculus e Bolinus brandaris na Enseada do Grove.
O obxectivo xeral do proxecto son:
- Reducir e controlar as poboacións destes murícidos.
- Obter datos para un mellor coñecemento das especies.
- Diminuír a mortaldade por predación e aumentar o recrutamento dos moluscos bivalvos dos bancos marisqueiros da Enseada do Grove.
- Mellorar a biodiversidade e conservación nunha zona de gran valor medio ambiental.
Entre os obxectivos específicos do proxecto están:
- Control e eliminación das dúas especies de murícidos mediante técnicas de mergullo.
- Cartografado da zona de actuación e recollida de datos de interese.
- Eliminación de residuos que se atopen na zona submareal da Enseada do Grove.
- Reducir a depredación sobre os bancos marisqueiros da Enseada do Grove.
- Aumentar os coñecementos sobre a bioloxía destas especies.
Con este proxecto prevese ter un certo control da poboación das dúas especies, xa que a erradicación completa é moi difícil. Isto terá un efecto moi positivo sobre os bancos marisqueiros e sobre as poboacións naturais de moluscos bivalvos da Enseada do Grove.
Este proxecto levarase a cabo nas anualidades 2022-2023.