A Confraría de Pescadores San Martín foi beneficiaria dunha axuda económica, para realizar proxectos formativos, financiada nun 75% polo FEMP e 25% pola Comunidade Autónoma, por importe de 9.672,80€.
O obxectivo xeral do proxecto é a formación permanente dos asociados/as, así como as súas parellas.
Entre os obxectivos específicos están:
- Formación profesional en materia sanitaria.
- Apoio á empregabilidade a través da formación.
- Reducir a sinistralidade nas embarcacións.
- Promover a formación continua do sector en materia pesqueira e marisqueira.
- Coñecer novos usos e formas de comercialización dos produtos pesqueiros.
- Coñecer que é a Economía azul.
A través destas axudas realizaranse as seguintes actividades formativas:
- Curso de aproveitamento de macroalgas.
- Curso de Economía azul.
- Curso de Formación sanitaria específica inicial.