A Cofradía de Pescadores San Martín do Grove, foi beneficiaria dunha axuda económica de 246.125,61 euros, financiada nun 70% polo Fondo Europeo Marítimo de Pesca e Acuicultura (FEMPA) e nun 30% pola comunidade autónoma, para o reforzo da Confraría de pescadores San Martín do Grove como sector estratéxico da Ría de Arousa.
Este proxecto levouse a cabo durante os anos 2024 e 2025, e inclueu:
- A compra dunha furgoneta con etiqueta eco que permite unha redución de emisións de carbono no sector da pesca, a través de medidas que combaten o cambio climático.
- A compra dun tractor que favorece a optimización do traballo colectivo do sector do marisqueo e evita a sobrecarga física dos/das traballadores/as.
- Xornadas divulgativas.
- Un curso para dar a coñecer o oficio de colareira de nivel básico no ano 2024 e outro de nivel medio no ano 2025.
Entre outras accións e adquisicións, que achegan melloras técnicas e tecnolóxicas.