A Confraría de Pescadores San Martín do Grove, foi beneficiaria dunha axuda económica de 46.091,15 euros, financiada nun 70% polo Fondo Europeo Marítimo de Pesca e Acuicultura (FEMPA) e nun 30% pola comunidade autónoma, para a realización das obras para mellorar as condicións de traballo na Lonxa do Grove.
Grazas a esta axuda puidemos colocar varias estanterias nas instalacións, recubrir as paredes con panel sándwich, sustituir a porta que separa a sala de subasta de peixe coa pescadería e ampliar o número de puntos de luz no exterior da lonxa.
Con este proxecto, acadáronse os seguintes obxetivos:
- Beneficiar o interese colectivo, xa que o proxecto abarca os intereses individuais de membros da confraría, así como dos empregados e dos compradores.
- Adquisición de equipamentos, infraestructuras ou melloras tecnolóxicas que afecten de maneira directa ao sector pesqueiro e marisqueiro.
- Mellorar as condicións de traballo na lonxa do Grove, dignificando o traballo na lonxa.