A Cofradía de Pescadores San Martín foi beneficiaria dunha axuda económica, para realizar proxectos formativos, financiada nun 75% polo FEMP e 25% pola Comunidade Autónoma, de 30.267,15€,
Coa presentación deste proxecto formativo o que se pretende é a formación permanente dos asociados/as, así como das súas parellas de modo que se mellore a súa seguridade e saúde durante o tempo que permanecen a bordo dunha embarcación, completen as titulacións necesarias para acceder a un posto de traballo no mar, coñezan os beneficios da dieta atlántica en materia nutricional e acaden as competencias básicas para levar a cabo novas formas de emprendemento.
O obxectivo xeral do proxecto é a formación permanente dos asociados/as, así como as súas parellas.
Obxectivos específicos
| 1 | Formación profesional en materia sanitaria. |
| 2. | Apoio a empregabilidade a través da formación. |
| 3. | Reducir a sinestralidade nas embarcación. |
| 4. | Promover a formación continua do sector en materia pesqueira e marisqueira. |
| 5. | Coñecer novos usos e formas de comercialización dos produtos pesqueiros. |
| 6. | Coñecer os beneficios da dieta Atlántica |
A través destas axudas realizaranse as seguintes actividades formativas:
- Curso de formación básica en seguridade marítima.
- Curso de formación sanitaria específica inicial.
- Curso de actualización da formación sanitaria específica inicial.
- Curso de operador/a restrinxido/a SMSSM.
- Curso de nutrición: dieta atlántica.
- Curso de aproveitamento de cunchas para a elaboración de bisutería.