A Confraría de Pescadores San Martín foi beneficiaria dunha axuda económica de 15.000€, a través das Axudas da Consellería do Mar para proxectos de rexeneración de bancos marisqueiros con problemas de perda de produción e que contribúan a unha mellor xestión e conservación sustentable dos recursos mariños, para acometer o proxecto de rexeneración da zona marisqueira intermareal do lugar de A Pereira.
Este proxecto é financiado integramente con fondos propios da Comunidade Autónoma de Galicia.
Os principais obxectivos deste proxecto son:
- Aumentar a presenza de bivalvos de valor comercial mediante sementeiras.
- Aumentar a fixación natural de xuvenís de bivalvos comerciais.
- Aumentar as zonas de traballo do colectivo de marisqueo a pé da zona de Castrelo.
- Secundariamente, mellorar os ingresos e a organización do colectivo sectorial.
O proxecto inclúe dúas fases:
- Primeiramente faranse actividades de remoción do substrato co fin de “soltar”, “airear” e “lavar” o substrato, mellorando a granulometría, a estrutura do mesmo e os parámetros químicos.
- Sementeira de ameixa procedente de criadeiro e de outras ameixas procedente de outros bancos marisqueiros pertencentes a Confraría de Pescadores San Martín do Grove.