A Confraría de Pescadores San Martín recibíu unha axuda económica de 24.000€ no ano 2019 a través das axudas a proxectos colectivos financiados polo FEMP, para a conservación e restauración da biodiversidade e dos ecosistemas mariños no marco de actividades marisqueiras sustentables.
Este proxecto é unha continuación do proxecto co mesmo título solicitado no ano 2018 e co que se pretende proseguir coa recuperación dos bancos incluídos no proxecto.
Os obxectivos xerais do proxecto son:
- Contribuír á conservación e restauración dos hábitats naturais e a fauna e flora salvaxes.
- Reverter os efectos negativos dos procesos de depósito de limos, materia orgánica e apelmazamento do substrato.
- Recuperación da produción de bancos marisqueiros.
- Acadar un equilibrio entre a conservación e explotación dos recurso mariños garantindo a sustentabilidade dos dous factores.
- Fomentar a concienciación sobre as problemáticas que afectan ós ecosistemas e incentivar a súa implicación activa na conservación dos mesmos.
- Mellora das condicións laborais do sector marisqueiro de “a flote”.
- Evitar o abandono de zonas marisqueiras pouco produtivas coa conseguinte degradación do medio mariño.
Outros obxectivos específicos do proxecto son:
- Mellora da biodiversidade, coa adición de substrato de granulometría adecuada e o seu mantemento en condicións axeitadas para a fixación e crecemento de moluscos bivalvos e outros organismos bentónicos.
- Mantemento do substrato en condicións axeitadas para o establecemento de poboacións estables de fauna bentónica.
- Favorecer a rotación entre bancos marisqueiros, conseguindo unha mellor redistribución dos traballos de extracción facendo a actividade máis respectuosa e sustentable ó longo do tempo.
- Aumentar o peso económico da explotación de especies autóctonas de ameixa.
- Aproveitar os recursos propios da Confraría, dentro da medida do posible para satisfacer as necesidades do sector.
Con este proxecto preténdense acadar os seguintes resultados:
- Unha mellora do hábitat e un aumento da biodiversidade.
- A recuperación dun banco marisqueiro pouco produtivo, facilitándose así a rotación dos traballos entre os bancos distribuíndo a presión de traballo entre máis bancos.
- Mellora das condicións laborais do sector marisqueiro e/ou aumento do número de permex futuros.