A Confraría de Pescadores San Martín recibíu unha axuda económica de 22.300€ no ano 2019 a través das axudas a proxectos colectivos financiados polo FEMP, para a conservación e restauración da biodiversidade e dos ecosistemas mariños no marco de actividades marisqueiras sustentables.
Este proxecto é unha continuación do proxecto co mesmo título solicitado no ano 2018 e co que se pretende proseguir coa recuperación do banco incluído no proxecto.
Os obxectivos xerais do proxecto son:
- Mellora do substrato.
- Aumento da biodiversidade na zona.
- Limpeza da zona.
- Recuperación da produción do banco marisqueiro.
- Mellora das condicións laborais das mariscadoras.
- Aumento do valor paisaxístico da zona a recuperar.
- Evitar o abandono de zonas marisqueiras pouco produtivas.
Outros obxectivos específicos do proxecto son:
- Mellora da biodiversidade, coa adición de substrato de granulometría adecuada e o seu mantemento en condicións axeitadas para a fixación e crecemento de moluscos bivalvos e outros organismos bentónicos.
- Eliminación de residuos sólidos.
- Aumento da produción marisqueira do banco.
- Mantemento do substrato en condicións axeitadas para o establecemento de poboacións estables de fauna bentónica e ameixas autóctonas.
- Diminuír, na medida do posible, a dependencia dos ingresos das mariscadoras na ameixa xapónica.
Con este proxecto preténdense acadar os seguintes resultados:
- Unha mellora do hábitat e un aumento da biodiversidade.
- A recuperación dun banco marisqueiro pouco produtivo, facilitándose así a rotación dos traballos entre os bancos distribuíndo a presión de traballo entre máis bancos.
- Unha mellora da distribución espacial e abundancia relativa das especies autóctonas.
- Mellora das condicións laborais das mariscadoras e aumento do número de permex