A Confraría de Pescadores San Martín foi beneficiaria dunha axuda económica de 34.600€, dos cales o 75% son cofinanciados polo FEMP e o 25% pola Comunidade Autónoma, para o proxecto de “Restauración e rexeneración do banco marisqueiro de Porca Morta”
O obxectivo xeral do proxecto son:
- Mellora do substrato.
- Aumento da biodiversidade na zona.
- Limpeza da zona.
- Recuperación da produción do banco marisqueiro.
- Mellora das condicións laborais das mariscadoras.
- Evitar o abandono de zonas marisqueiras pouco produtivas.
Entre os obxectivos específicos do proxecto están:
- Mellora da biodiversidade, co acondicionamento e o seu mantemento en condición axeitadas para a fixación e crecemento de moluscos bivalvos e outros organismos bentónicos.
- Eliminación de residuos sólidos.
- Aumento da produción marisqueira no banco, priorizando especies autóctonas.
- Mantemento do substrato en condicións axeitadas para o establecemento de poboacións estables de fauna bentónica e ameixas autóctonas.
Con este proxecto prevese recuperar un banco marisqueiro pouco produtivo, facilitándose así a rotación dos traballos entre os distintos bancos distribuíndo a presión de traballo entre mais bancos. O proxecto será desenvolvido en dúas anualidades: 2020-2021