A Confraría de Pescadores San Martín foi beneficiaria dunha axuda económica de 36.000€, dos cales o 75% son cofinanciados polo FEMP e o 25% pola Comunidade Autónoma, para o proxecto de “Restauración e rexeneración do banco marisqueiro de A Cantareira (AR-076)”
Os obxectivos xerais do proxecto son:
– Contribuír á conservación e restauración dos hábitats naturais e a fauna e flora salvaxes.
– Reverter os efectos negativos dos procesos de depósito de limos, materia orgánica e apelmazamento do substrato.
– Recuperación da produción de bancos marisqueiros.
– Acadar un equilibrio entre a conservación e explotación dos recursos mariños garantindo a sustentabilidade dos dous factores.
– Mellora das condicións laborais do sector marisqueiro de “a flote” que neste ano abriu proceso selectivo para a incorporación de dous novos permex, creando así novos postos de traballo.
– Evitar o abandono de zonas marisqueiras pouco produtivas coa conseguinte degradación do medio mariño.
– Controlar a presenza e o impacto de especies exóticas invasoras.
– Controlar a presenza de lixo mariño.
Entre os obxectivos específicos do proxecto están:
- Mellora da biodiversidade, co acondicionamento e mantemento do substrato en condicións axeitadas para a fixación e crecemento de moluscos bivalvos e outros organismos bentónicos.
- Incrementar o stock de moluscos bivalvos.
- Favorecer a rotación entre bancos marisqueiros, conseguindo unha mellor redistribución dos traballos de extracción facendo a actividade mais respectuosa e sustentable ao longo do tempo.
- Aumentar o peso económico da explotación de especies autóctonas de ameixa
- Reducir a presenza e impacto de especies alóctonas invasoras.
- Incrementar/manter o esforzo de limpeza do lixo mariño.
Con este proxecto agárdanse os seguintes resultados e melloras:
– Unha mellora do hábitat e un aumento da biodiversidade.
– Unha mellora da distribución espacial e abundancia relativa das especies autóctonas.
– A recuperación dun banco marisqueiro pouco produtivo, facilitándose así a rotación dos traballos entre os distintos bancos distribuíndo a presión de traballo entre máis bancos.
– Mellora das condicións laborais dos mariscadores e mariscadoras e aumento do número de PERMEX.